خامس ضيوف كرسي الاعتراف ( ملاك الصداقة )

بسم الله الرحمن الرحيم

والصلاة والسلام على اشرف الانبياء والمرسلين
نبينا محمد وعلى آله الطيبين الطاهرين,,

السلامـ عليكمـ ورحمة الله وبركاته,,

تحية اسلامية وبعد

\
/
اصحاب الأقلامـ المبدعه,, والعقول النيرهـ,,
والقلوب الطيبه,,
اعضاء منتديات عالم المحبة,,
\
/
كما تعودتمـ منا في كل اسبوع نكشف
لكمـ عن بعض الجوانب الخفيه والمجهولة,,
في حياة زملائنا واخوننا الاعضاء الكرام,,
\
/
نستضيفهمـ ونسألهم ويجاوبون بكل رحابة صدر,,
فبعد انتهائنا من كرسي الاعتراف مع أميرة الوفاء الي هية انا..

\
/
نعود مرهـ اخرى مـع ضيفة جديدهـ ,,
ليست كباقي الضيوف,,
وشخصية اخرى تختلف عن كل شخصيات
من كانو هنا سابقاً,,
\
/
سيتميز كرسي الاعتراف لأنه من ستجلس عليه
متميزهـ بذاتها وصفاتها الطيبه,,
\
/
صاحبة القلب الحنون والطيب,,
تلكـ الانسانة الشفافة كزلال الماء ,,
الرقيقة بمشاعرها واحاسيها كرقة الأزهار ,,
\
/
العذبة في تواجدها وفي مواضيعها كعذوبة الماء,,
حضورها كحضور القمر في تلكـ السماء الحالكة السواد,,
المعروفة بحبها للخير,,

\
/
المتميزهـ والمعروفة بمحبتها للجميع,,
ومحبة الجميع لها,,
فلقد كانت اختا وصديقة وزميلة للجميع,,
\
/
تقدمـ المساعدهـ لمن طلب عونها,,
ولاتبخل على احد بما تعرفه من الامور,,
ولو كانت لاتعرف تبحث وتبحث الصديقة الوفية "ملاك الصداقة"

هلا هلا عيوني نورتي الكرسي
وان شاء الله لي عوده بكم سؤال الك

ولييييييييييييييييييييييييييييي

شو نورت الكرسي !!!

أطلقوا سراحي هلأ هلأ

لأنو في جماعة مستنيين هاللحظة من زمان طبعا

متل أميرة الوفاء اللي حطتني على الكرسي و ما صدقت

الأميرة الحالمة ( و الله ما بعرف شو بدها تعرف هالبنت)

و أكيد بنت القمر

و ما بعرف مين كمان

بس يلا بنشوف كمان شوية

الله يستررررررررر

ماشي يا أعضاء

تفضلو بأي سؤال راح أكون مستعدة إن شاء الله

ما تخجلو .. عادي ... متل بناتكم أنا هههههه

عملاقة بستنا أسئلتك

و إن شاء الله أكون عند حسن ظنكم جميعا

أرق تحياتي ...

اهاااااااااااااااااااااااا

ملاك الصداقة

اهلا بيكي نورتي الكرسي

واستعدي للاسئلة

وما بدنا لف ودوران وخصوصا على اسئلة الاميرة الحالمة ههههههه

وان شاء الله اليوم راح اشوفلك شوية اسئلة

تحياتي

يييييييييييييييييييي

و أنا بحكي كرسي الإعتراف كلو معتم

ما أهبلني مفروض عرفت إنو ملاك الصداقة على الكرسي ( يا رب ينكسر الكرسي و إنتي قاعدة عليه و تنكسري معو و طبعا إنتي راح تشتري واحد جديد لأنو في أعضاء ما قعدو لسا Razz

)

إن شاء الله راجعة بالأسئلة

سلام يا حلوين ( ملاك الصداقة مو من الحلوين طبعا geek

)

ملاك

عندي شوية اسئلة

السؤال الاول

على حد علمي ان الاميرة الحالمة هى اختك
السؤال هل / عمرك غيرتي منها وكنتى انانية

السؤال الثاني

انا لاحظت من خلال مشاركاتك
انك عضوة هااااادئة جدا

ها هذا صحيح هل شخصيتك هادئة ام انكي تنفعلي بسرعة

السؤال الثالث

تكلمي عن نفسك في سطرين سطر بعد سطر هههههه

السؤال الرابع

الاشخاص الاتية

كلمة واحدة تصفيهم بها

الاميرة الحالمة

المدير العام

العملاقة

بنت القمر

القلب الطيب

الأميرة الحالمة كتب:: يييييييييييييييييييي

و أنا بحكي كرسي الإعتراف كلو معتم

ما أهبلني مفروض عرفت إنو ملاك الصداقة على الكرسي ( يا رب ينكسر الكرسي و إنتي قاعدة عليه و تنكسري معو و طبعا إنتي راح تشتري واحد جديد لأنو في أعضاء ما قعدو لسا )

إن شاء الله راجعة بالأسئلة

سلام يا حلوين ( ملاك الصداقة مو من الحلوين طبعا )

ماشي يا الأميرة الحالمة

الله يساااااااااااامحك

و اللهم إني صائم

يلا أشوف شطارتك حطي الأسئلة

راح أجاوب بصراحة ولا يهمك

و بدون اللف و الدوران ...

يلا سلام

ملاك

عندي شوية اسئلة

تفضل و لووووو كل الأسئلة على حسابك Wink

السؤال الاول

على حد علمي ان الاميرة الحالمة هى اختك
السؤال هل / عمرك غيرتي منها وكنتى انانية

أها الأميرة الحالمة أختي حبيبتي kggh

و بصراحة يعني

بغار منها مرات لأنها أطول مني Sad

أنا مسكينة طولي على قدي uyiyi

بس يعني ما بغار منها إني أحسدها مثلا أو شي هيك

الله يخليلها طولها cheers

أما إني أكون أنانية ... فلا و الله Mad

كتير بكره صفة الأنانية Mad

.. و دايما بفكر باللي حولي قبل ما أفكر بنفسي

حتى اسأل الأميرة الحالمة ....... ييييييييي شو تسألها أكيد راح تنكر Razz

خلص إسأل اللي بعرفوني كويس متل بلسم و بنت القمر و أميرة الوفاء

السؤال الثاني

انا لاحظت من خلال مشاركاتك
انك عضوة هااااادئة جدا

ها هذا صحيح هل شخصيتك هادئة ام انكي تنفعلي بسرعة
أنا يا حسن هادئة جدا في نقاشي و تعاملي مع الناس ( مشان هيك دايما بحكولي إنتي ناعمة كتير Embarassed

)

ما بحب الإنفعال و التعصب للآراء في النقاش

فكتير تعاملي مع الناس في الحياة بكون بهدوء شديد نعم

بتعرف ذكرتني بأستاذ في المدرسة كان مشارك في مشروع

كان يسأل أسئلة للطالبات بهدف يستفزهم و ما يقدروا يدافعوا عن مواقفهم

فصار يسألني و بصوت عالي و يحاول يستفزني متل كأنو بخانق فيا معصب

و انا أرد عليه بهدو شديد و أحكي رأيي و أدافع عن موقفي بهدوء .. هيك أسلوبي

يا حرام إنجن مني .. صار يحكي إنتي مو طبيعية .. هدوئك مو طبيعي نهاااائي

بس و الله أنا في البيت بكون فايعة (مروشنة يعني) .. و دايما عاملة دوشة geek

لأني بحب المزح و المقالب
السؤال الثالث

تكلمي عن نفسك في سطرين سطر بعد سطر هههههه

حاضر ..

أنا بنت طبيعية كتير ... عايشة حياتي برضى .. متفائلة كتير و دايما بطير لعالمي الخاص ... بس متهورة و كتير بفقد الثقة بنفسي
دمعتي على خدي متل ما بقولو .. يعني حتى لما أعصب ببكبي مو بس لما أزعل ... uyiyi

السؤال الرابع

الاشخاص الاتية

كلمة واحدة تصفيهم بها
الاميرة الحالمة : حساسة

المدير العام : طيووووووووووووب

العملاقة : حبابة

بنت القمر : واقعية

القلب الطيب : إجتماعي ( كتيييييييير مرح )

بتمنى أكون كفيت و وفيت
و أي سؤال تاني يا حسن

تفضل ولا يهمك

مع خالص إحترامي ..

ااه في سؤال

نسيت

رأيك

ب

بسلم

واميرة الوفاء

والله انسيت

هلا ملاك منوره والله

واخير زبط معي المنتدي عشان اسئلك

1_ ما هي حكمتك بالحياة ؟
2_ ما هي نقطة ضعفك ؟
3_ هاي الاسئلة بدها شوية تركيز :
* متى تغضبي ؟
* متى تحزني ؟
* متى ترضي ؟
* متى تفرحي ؟
4_ بما انو اسمك ملاك صداقة ما هو مفهوم الصداقة من وجهة نظرك ؟
5_ خيال :: تمر باوقات تكون فيها لوحدك تحدث نفسك تسأل وتجيب << السؤال شو ممكن يكون هالحوار بينك وبين نفسك ؟
6_ من هو او هي ::
* شخص تتعب في تحليل شخصيته ؟
* شخص تجده دائما معك في افراحك واحزانك ؟
* شخص يستفز أعصابك ويغضبك ؟

ااه في سؤال

نسيت

رأيك

ب

بسلم : رااائعة

واميرة الوفاء : مخلصة

والله انسيت

لا مو مشكلة

ولا يهمك

إذا في كمان أسئلة تفضل بردو flower

هلا ملاك منوره والله

تسلمي حبيبتي .. نور عيونك

واخير زبط معي المنتدي عشان اسئلك

ممتاااااااز

بسم الله :

1_ ما هي حكمتك بالحياة ؟

أشرق للحياة . sunny

. تشرق الحياة ( اضحك تضحكلك الدنيا )

2_ ما هي نقطة ضعفك ؟

و الله يا عملاقة يمكن تكون طيبة قلبي .. لأنو كتير بتأثر على حياتي ...لدرجة إني أحيانا بحكم بمشاعري مو بعقلي
و كمان ممكن تكون قلة تركيزي في كثير مواقف خصوصا لما أكون فرحانة .. بنسا الدنيا و اللي فيها..
و كمان و الله ثقتي بنفسي مو دايما ثابتة .. مرات بكون يا سلام شو واثقة بنفسي و مرات بفقدها نهائيا و ما بتسعفني في مواقفي الحرجة

إنتو يا جماعة إحكولي .. شو نقطة ضعفي ؟؟

3_ هاي الاسئلة بدها شوية تركيز :

ركززززززززي يا ملاك scratch

* متى تغضبي ؟

عندما أتعرض لعقاب بدون ذنب ( خصوصا ما يسمى بالعقاب الجماعي )

عندما يفهمني أحد بصورة خاطئة .. ( مشان هيك بموت بصفة *التفهم* )

عندما أسمع أحد يسئ إلى وطني أو أصدقائي أو أسرتي بدون مبرر

* متى تحزني ؟

عندما يخذلني أحد وضعت فيه ثقتي ..

عندما أفارق شخص عزيز على قلبي ..

عندما تخونني ذاكرتي ... و ما أكتر خيناتها

و أكثر شيء : لو شعرت بأني سبب تعاسة أحد أو أني كنت قادرة على المساعدة و لم أفعل
عندها لا أحزن فقط بل أتألم جدااااااااا

* متى ترضي ؟

دع الأيام تفعل ما تشاء .. و طب نفسا إذا حكم القضاء

يعني بحاول أكون دايما راضية

* متى تفرحي ؟

ممممممممممم ... Rolling Eyes

و الله يعني دايما بضحك و فرحانة و الحمد لله

بس يعني أكتر شي .. يمكن :

لما أنجح بشي بعد تعب و مجهود كبير

و لما أشوف شخص بعد شوق و انتظار طويل

طبعا المواقف اللي ذكرتها بسيطة .. و في كتير غيرها .. كل حياتنا مشاعر متل هادي

4_ بما انو اسمك ملاك صداقة ما هو مفهوم الصداقة من وجهة نظرك ؟

الصداقة ... أروع شئ بالوجود .. ما أقدر أعيش بدونها

يعني : المحبة و الود ... الأخوة ...التشجيع ... الإخلاص ... التضحية ...

و شوفوا كل كلمة ما أروع معانيها

5_ خيال :: تمر باوقات تكون فيها لوحدك تحدث نفسك تسأل وتجيب << السؤال شو ممكن يكون هالحوار بينك وبين نفسك ؟

أنا حكيت إني دايما بطير لعالمي الخاص .. للخيال .. بحلم .. بتأمل .. بحاسب نفسي ... حتى بغازل بنفسي .. Embarassed

و بحكي مع نفسي .. و كمان مع الناس اللي بشوفهم في الواقع ... لكن بطريقة أجمل بكثير من الواقع ..

يعني يا العملاقة .. ما في أي نوع من الحوار ما بحكيه مع نفسي ..

كل شي ...

يعني لو بحكي بصوت عالي كان ما ضل شي مخبا هههههه lol!

6_ من هو او هي ::

* شخص تتعب في تحليل شخصيته ؟

الشخص الغامض ... قليل الكلام silent

* شخص تجده دائما معك في افراحك واحزانك ؟

الصديق الحقيقي

* شخص يستفز أعصابك ويغضبك ؟

واحد بدو يستفزني ...هههههههه kamo

لا بجد يعني مو دايما نفس الشي

أحيانا بكون من أصدقائي يعني بحب يتسلى عليا شوية ههه

و أحيانا إنسان شرير هوايته التلاعب بأعصاب البشر

أنا هيك خلصت .. يحيا العدل
نعم

بجد يا عملاقة أسئلتك رووووووووووووووعة

كتير عجبتني ..

بتمنى أكون أعترفت بالشغلات اللي بدك تعرفيها عني ..

و إذا عندك كمان أسئلة تفضلي

إنتي و كل الأعضاء .. أنا جاهزة إن شاء الله

kggh

والله بجد نور الكرسي
أنا لسة بدي أسيبك شوية ترتاحي وكمان أنا مش فاضية هالقد حتى أكويكي بالأسئلة
يعني ربنا رحمك هالمرة
لو كان دورك المرة الجاية كان فضيتلك
بس هيك هيك حيجيكي سؤال مني
راجعة..
تحياتي...

مرحبااا

ملاك كيفك ان شاء الله بخيرر

وكيف الكرسي ان شاء الله عاجبك يلا منيح خلينا نسألك

طبعا أسألتي كتير سهلة ما بحب اصعب على اى واحد بالاسألة

نتوكل على الله ونسألك

1- -كل انسان وله أمنيات وأمال .. يا ريت تخبرنا عن الحلم اللي يراودك أو بالأحر الأمنية اللي تتمنيها ... ؟

2- شو أصعب المواقف اللي مريت بها ؟

3- فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم قلبك أم عقلك ؟؟؟

4- هل ندمت فحياتك على شي معين ؟؟؟

5- مالفـرق بين الحب والصداقة ؟ وهل يمكن ان يسلكا طرق الغيرة 00؟

6- قال المتنبي:
أريد من زمني ذا أن يبلغني
ما ليس يبلغه من نفســه الزمن
لا تلق دهرك إلا غير مكترث
مادام يصحب فيها روحك البدن

أتوافقينه في فلسفته هذه؟

ان شاء الله يكونواا سهلين

ولي عودة باذن الله

تحياتي

بنت القمر كتب:: والله بجد نور الكرسي
أنا لسة بدي أسيبك شوية ترتاحي وكمان أنا مش فاضية هالقد حتى أكويكي بالأسئلة
يعني ربنا رحمك هالمرة
لو كان دورك المرة الجاية كان فضيتلك
بس هيك هيك حيجيكي سؤال مني
راجعة..
تحياتي...

يا هلا بنت القمر

نور عيونك حبيبتي

يعني هالمرة الحمد لله

بكفي أسئلتك بلعبة الصراحة كويتيني

يلا شو ضايل بدك تعرفي ؟

أي شي بدك تعرفيه أنا جاهزة

ولا يهمك

بستنا أسئلتك flower

تحياتي ..

مرحبااا

يا هلا

ملاك كيفك ان شاء الله بخيرر
تمام الحمد لله .. إنتا كيفك ؟

وكيف الكرسي ان شاء الله عاجبك يلا منيح خلينا نسألك

يا سلااااااام مكيفة هههههه

طبعا أسألتي كتير سهلة ما بحب اصعب على اى واحد بالاسألة
كتييييير منيح

نتوكل على الله ونسألك

بسم الله

1- -كل انسان وله أمنيات وأمال .. يا ريت تخبرنا عن الحلم اللي يراودك أو بالأحر الأمنية اللي تتمنيها ... ؟

و الله يا كريم مشكلتي إني مو حاطة في بالي شيء معين .. يعني ما بعرف شو راح أتخصص في الجامعة إن شاء الله .. بس يعني كل هدفي إني أضيف على الحياة شيء جديد ..
نفسي أعمل شي ما حدا عملو .. يرفع راس فلسطين فوووووووووووق
و أمنيتي تحرر وطني ... ( للأسف أصبح أمنية )

2- شو أصعب المواقف اللي مريت بها ؟

لما كان الإنقلاب .. و المشاكل بين فتح و حماس ... ما كنت أعرف أقعد و لا أنام و لاعمل شي ... كل شوية على الأخبار و يا عيني على الدموع ما فارقتني ... يعني كتير كانت ظروف صعبة ... و شعور قاااتل

و كمان لما ستو الله يطول بعمرها كانت مريضة .. و سافرت مشان تعمل عملية .. بس الحمد لله رجعت بالسلامة

3- فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم قلبك أم عقلك ؟؟؟

دائما بحاول أحكم عقلي .. بس بصراحة مو دايما بزبط معي ... دائما يتدخل قلبي ... خصوصا إذا كان موقف حساس ... و يحدث الصراع .. لكن الحمد لله غالبا ( يعني مو دايما ) بتكون الغلبة للعقل

4- هل ندمت فحياتك على شي معين ؟؟؟

و الله يعني ما في شئ مهم ندمت عليه ... بس يعني مرات بندم إني تابعت مسلسل معين أو لبست لبسة معينة ههههه
بجد و الله لسا ما إتخذت أي قرار حاسم في حياتي .. و إن شاء الله ما أندم على أي قرار

5- مالفـرق بين الحب والصداقة ؟ وهل يمكن ان يسلكا طرق الغيرة 00؟

مممممممممم

الشغلتين من أجمل الأشياء في الدنيا

الحب ما بكون إلا لشخص واحد في فترة من الزمن .. لكن بنفس الفترة بكون الأصدقاء كتار ... و الأصدقاء لو إنتهت الصداقة لا سمح الله لسبب معين .. ممكن يرجعوا أصدقاء
أما الحب إذا انتهى ما بيرجع ... و كمان الأصدقاء مكانات .. أما الحبيب الحب له ثابت

أما بالنسبة للغيرة فتكون للحب .. دائما الحبيب يغار ... أما الأصدقاء نادر ما يكون في بينهم غيرة

و الله يا كريم مو عارفة شو أجاوبك ... ممكن كمان فترة أعرف أجاوبك على السؤال بصورة أحسن lol!

6- قال المتنبي:
أريد من زمني ذا أن يبلغني
ما ليس يبلغه من نفســه الزمن
لا تلق دهرك إلا غير مكترث
مادام يصحب فيها روحك البدن

أتوافقينه في فلسفته هذه؟

غير مكترث .. مو الكلمة المناسبة .. يعني تدل على اللامبالاة ...
لكن أنا مع فلسفة أن يكون الإنسان راضي بواقعه و مجاري لحياته لا يجعل نفسه كأنها ميتة.... مع أن الروح فيها و الدنيا أمامه
ان شاء الله يكونواا سهلين

الحمد لله ..

ولي عودة باذن الله

تحياتي

أوكي إن شاء الله

بستنا أسئلتك القادمة

يا رب أكون جاوبتك منيح

و تحياتي لإلك كريم

زائر

السلام عليكم كيفك ملاك لصداقة شو مستعدة اليوم للكرسي

زائر

طيب انا حابة اسالك سؤال
انتي عمرك اتمنيتي الموت لحدا ومي نهو من المقربين الك وفجاة بعد عنك

انتي عمرك حبيتي شخص وفجئة بعد عنك من الجنسن الذكر والانثى

مين اكتر شخص بتحبيه في الكون

وانتي بتغاري من اصدقائك او خواتك ومن مين

مين بتحبي اكتر ابوكي ولا امك

عمرك انخضعتي لامر شخص من اهلك

انتي بتحسي حالك احلى من الأميرة الحالمة

انتي بتحبي شخص من جنس الذكر ومين وبصراحة او اعجبتي في مش شرط حب

الحورية كتب:: السلام عليكم كيفك ملاك لصداقة شو مستعدة اليوم للكرسي

هلا بالحورية

أنا تمام بشوفتك I love you

إن شاء الله مستعدة

تحياتي ...

طيب انا حابة اسالك سؤال

تفضلي و لووووووووو
انتي عمرك اتمنيتي الموت لحدا ومي نهو من المقربين الك وفجاة بعد عنك

إني تمنيت الموت لحدا ... كتيييييييير خصوصا اليهود ما حدا بدعي عليهم متلي ..
أما من المقربين إلي أكيد لا
بس في إلي صديقة بعدت عني لسبب أكثر من تافه و ما بعرف كيف صار هيك شي .. بس يعني أنا بعدي بحبها و بتمنا إلها كل خير

انتي عمرك حبيتي شخص وفجئة بعد عنك من الجنسن الذكر والانثى

صديقتي نفسها .. و مو فاكرة إذا في حدا تاني

مين اكتر شخص بتحبيه في الكون

و الله اللي بحبهم كتااااااااااااار ما بقدر أعدهم
و أولهم حبيبتي و صديقة عمري بلسم الحياة kggh

وانتي بتغاري من اصدقائك او خواتك ومن مين

أنا ما بغار يعني بمعنى الغيرة .. بس بحب أقلد شغلات بتعجبني في الناس اللي حولي و ما بتكون فيا ..
و لو ما قدرت ما بحسد .. Rolling Eyes

مين بتحبي اكتر ابوكي ولا امك

و الله التنين الله يخليهم يا رب
يعني أنا حالات حالات .. مرات بحب ماما أكتر .. و مرات بابا أكتر ..
يعني اللي يعمل اللي في مزاجي ههههههه lol!

لا بجد و الله التنين بحبهم كتير لو شو ما صار

عمرك انخضعتي لامر شخص من اهلك

أكيد ... أي شي ماما أو بابا يطلبوه أنا مضطرة أنفذ ... بس طبعا لو ما عجبني الطلب بحاول أقنعهم و أغيرو لكن لو أصروا عليه بكون عنيدة كتير.. و ما بكون مطيعة في جميع الأحوال
أما بالنسبة لإخواتي فكلهم أصغر مني يعني ما بقدرو يجبروني على شي ... طبعا إلا الأميرة الحالمة هادي بتخليني أحزن عليها كتير مرات و أعمل اللي بدها إياه
و بتخليني أغطيها في الليل uyiyi

انتي بتحسي حالك احلى من الأميرة الحالمة

لا و الله ما بحس حالي أحلى منها ..بالعكس يمكن هيا أحلى مني .. بس بشو بهمني أكون أحلى منها أو هيا أحلى مني
ما بهتم بالجمال الخارجي كتير
بس خلص إذا إنتي فضولية لهادي الدرجة راح أبعتلك صورتي و صورتها و إنتي شوفي مين أحلى .. أوكي ؟

انتي بتحبي شخص من جنس الذكر ومين وبصراحة او اعجبتي في مش شرط حب

شو هالإحراج Embarassed

أنا بحب بابا و إخواتي و أعمامي و أخوالي .. و معجبة فيهم كتيييييييييييييييير

kamo

عارفة مو هيك قصدك

مممممممم

حيبتي أنا مراهقة .. يعني مشاعري هلأ مو متأكدة منها .. كتير ممكن يكون الحب زائف في هادي المرحلة .. و كتير في أشخاص ممكن أعجب فيهم أو أعجبت فيهم حتى Embarassed

بس خلص أول ما يصير معي شي راح أحكيلك

و الله سؤالك رهييييييييييييييييييب

يا رب أكون جاوبتك متل ما بدك ..

و إذا عندك كمان أسئلة تفضلي ..

تحياتي الحارة لأحلى حورية flower

رجعتلك
بس هالمرة الأسئلة ما بكوو
بدي أخلي الأسئلة اللي بتكوي لللقاء القادم أذان الصبح إن شاء الله
المهم السؤال 1- لو كنتي ماشية في الشارع ومحترمةكالمعتاد وعينيكي في الأرض
وفط قدامك واحد وقلك يا سلام والله إني بموت فيكي يا عسل وهيك كلام يعني شوبكون موقفك؟؟؟
السؤال2 بس هالمرة لو وقفت قدامك بنت وقالت زي هيك؟؟
السؤال الثالث- أنا بعرف إنو أسئلتي تقيلة دم كتييييير وخصوصاً في لعبة الصراحة هل مرة سألتك سؤال تمنيتي فيه إني أختفي حتى ما أسمع الإجابة وما هو السؤال؟؟
السؤال الثالث ما هو أكثر موقف بكيتي فيه من قلبك والعكس أكثر موقف ضحكتي فيه من قلبك ؟؟
بكفو الحين
تحياتي والإجابة إجبارية يعني لو ما جاوبتي الحين حتجاوبيث على أذان الصبح فقصريها من الحين

بسم الله الرحمن الرحيم

رجعت بأسألتي

جاوبي بصراحة على جميع الأسئلة و خاصة السؤال الأخير و إلا ................ و ديري بالك أنا راح أعرف إذا جاوبتي صح أو لا geek

مين أكتر شخص بتحبي في كل حياتك و عيشالو تقريبا ( ما تحكي كتااااااار بدي جواب واضح و من دون لف و دوران )

ما شعورك تجاه الأميرة الحالمة يعني أنا ( بدي وصف كامل و صاااااادق أهم شي )

شو أحلى شي في هادي الأعضاء و شو أسوء شي فيهم و بتتمني يتغير :

1- المدير العام

2- القلب الطيب

3- بلسم الحياة

4- بنت القمر

5- أميرة الوفاء

6- همس الطفولة

7- أمير الليل

8- زي الملايكة

9- الاء

10- العملاقة

11- رورو

و بس

و هلأ السؤال الأخير ههههههه

حكتيلي مرة إنو إنتي بتحبي
حكتلك مين شو إسمو
حكتيلي كتااااااااااار

يلا إعترفي شو أسماءهم ؟؟

ما تحكي كنت بمزح أنا عارفة ما كنتي تمزحي

يلا إحكييييي

خلصت أسألتي

يلا جاوبي على أسئلتي البسيييييييييطة

عارفة كلها بسيطة و سهلة بس بدي إجابات واضحة من دون لف و دواران

أنا بإنتظار الإجابات

سلااااااااااااااااااااااام

رجعتلك

يا هلا

بس هالمرة الأسئلة ما بكوو

إن شاء الله

بدي أخلي الأسئلة اللي بتكوي لللقاء القادم أذان الصبح إن شاء الله

حاضر

المهم السؤال 1- لو كنتي ماشية في الشارع ومحترمةكالمعتاد وعينيكي في الأرض
وفط قدامك واحد وقلك يا سلام والله إني بموت فيكي يا عسل وهيك كلام يعني شوبكون موقفك؟؟؟

بحركة لا إرادية ... كف مزبط يعني بجنن ما أكلو قبل هيك في حياتو
طبعا راح أصير ألوان .. و احتمال بعد الكف أوقع على الأرض و يغمى عليا .. و إذا ما صارلي شي راح أكمل مشيي .. و أسرع و أوصل البيت ... و أقعد أبكي
هيك بالزبط راح أعمل

السؤال2 بس هالمرة لو وقفت قدامك بنت وقالت زي هيك؟؟

بحكيلها أهلين .. مين حضرتك ؟
و إذا كنت ما بعرفها بتعرف عليها .. ما في مشكلة هههههههه
بجد صرت تقريبا كل يوم لازم أتعرف على حدا بالطريق للمدرسة geek

السؤال الثالث- أنا بعرف إنو أسئلتي تقيلة دم كتييييير وخصوصاً في لعبة الصراحة هل مرة سألتك سؤال تمنيتي فيه إني أختفي حتى ما أسمع الإجابة وما هو السؤال؟؟

لا و الله حبيبتي مرات أسئلتك بتكون صعبة بجد .. بس أنا شو ما بدك بحكيلك مو مهم ..ما في شي مخبا .. يعني مين يحمل حقيبة أسراري التقيلة غيرك إنتي و باقي أصدقائي

السؤال الرابع ما هو أكثر موقف بكيتي فيه من قلبك والعكس أكثر موقف ضحكتي فيه من قلبك ؟؟

أكتر موقف بكيت فيه من قلبي .. يعني بردو لما كان الإنقلاب كنت أبكي كتير كتيييييييييييير

و لما مرة مات ألفريدو في عهد الأصدقاء .. يا الله شو كنت أبكي من قلبي ... ( اللي بدو يضحك عليا يضحك ما بهمني )

و كتير مواقف تانية .. يا الله شو ببكي أنا

و موقف ضحكت عليه من كل قلبي .. لما تكون ستو بتحكيلنا قصص واقعية من أيام زمان .. كتيييييييير بضحك

و لما نجتمع مع بعض أنا و إنتي و بلسم و الأميرة الحالمة و همس الطفولة و نقعد نتكلم و نحكي لبعض قصص و نكت .. بموت من الضحك ... kamo

بصير أضحك على أقل شي من فرحتي .. kamo

و دايما بضحك ..

شو غريبة انا دايما بضحك و دايما ببكي kamo

بكفو الحين

أوكي
تحياتي والإجابة إجبارية يعني لو ما جاوبتي الحين حتجاوبيث على أذان الصبح فقصريها من الحين

حاضر .. تحت أمرك

يلا إذا في كمان أسئلة ولا يهمك تفضلي عيوني ..

بسم الله الرحمن الرحيم

رجعت بأسألتي

يا هلا و غلا و مليون مرحبا

جاوبي بصراحة على جميع الأسئلة و خاصة السؤال الأخير و إلا ................ و ديري بالك أنا راح أعرف إذا جاوبتي صح أو لا

حاضر .. أمرك

مين أكتر شخص بتحبي في كل حياتك و عيشالو تقريبا ( ما تحكي كتااااااار بدي جواب واضح و من دون لف و دوران )

أكتر شخص بحبو بحياتي .. جاوبت على هادا السؤال قبل هيك

أما شخص أنا عيشالو ... فأنا عايشة للناس اللي بحبهم بردو .. إذا كانو محتاجيني فعلا ...

ما شعورك تجاه الأميرة الحالمة يعني أنا ( بدي وصف كامل و صاااااادق أهم شي )

و الله الأميرة الحالمة بنت طيوبة و حساسة و أمورة .. بس عصبية كتير و كتير أحيان بتكون - مصلحنجية - متل ما بقولو ... يعني بتحبني للمصلحة و للشي اللي بدها إياه
بس هيا أختي حبيبتي لو شو ما صار

شو أحلى شي في هادي الأعضاء و شو أسوء شي فيهم و بتتمني يتغير :

بحكيلك أحلى شي ..

1- المدير العام : حب الناس

2- القلب الطيب : المرح و طيبة القلب

3- بلسم الحياة : التفهم للمواقف

4- بنت القمر : الواقعية و الوعي

5- أميرة الوفاء : الإخلاص

6- همس الطفولة : البراءة ... يا الله شو بشوف فيها براءة الطفولة

7- أمير الليل : الثقة بالنفس و الصراحة

8- زي الملايكة : الوضوح .. شفافية القلب

9- الاء : إجتماعية

10- العملاقة : الإحترام

11- رورو : حبابة كتير

و بس
أما أسوأ شي .. بجد بجد بجد ما شفت منهم جميعا إلا كل خير ...

بس بقدر أحكيلك إنو نفسي أغير

بنت القمر :المبالغة في الأمور .. و صعوبة تغيير الرأي
بلسم الحياة : العصبية في كثير من المواقف
أميرة الوفاء : التسرع

و هلأ السؤال الأخير ههههههه

حكتيلي مرة إنو إنتي بتحبي
حكتلك مين شو إسمو
حكتيلي كتااااااااااار

يلا إعترفي شو أسماءهم ؟؟

ما تحكي كنت بمزح أنا عارفة ما كنتي تمزحي

يلا إحكييييي

وليييييييييييييييييييييييييييي

شو أعمل فيكي بس ؟؟ معصب

يا بنتي أنا بحب كل الناس ... يعني مو حب من اللي بتفكريه ... و الله إنك رحتي بعيد

بعدين لو بحب بجد متل ما بتفكري ... بدي أحب كتار؟؟؟

لا و بدها أسماؤهم كمان

... في حدا بحب أكتر من شخص بنفس الوقت

رهيييييييييييييبة يا بنت

خلصت أسألتي

يلا جاوبي على أسئلتي البسيييييييييطة

عارفة كلها بسيطة و سهلة بس بدي إجابات واضحة من دون لف و دواران

أنا بإنتظار الإجابات

جاوبت و إن شاء الله تعجبك إجاباتي
سلااااااااااااااااااااااام

مع السلامة

و إذا في كمان أسئلة تفضلي
و لوووووووو

هاهاهاهاهاها لقد اتيت اليك باسالتي
بنصحك يعني اذا ما بدك تجاوبي مش مشكلة بس لما اشوفك حخليكي تبوحي بكل شي
احكي من الحين احسن هههههههههههه بمزح على راحتك الاسئلة الي ما بتعجبك ما تجاوبي عليها
نبدا أول سؤال :
كيف معنوياتك
تاني سؤال :
شو الصفات الحلوة الي فيني ومو حلوة كمان احكيها؟
تالت سؤال:
هل عمرك شفتي مني موقف عصبك او دايقك مني؟
رابع سؤال:
اول مرة كلمتك فيها شو كان شعورك؟
خامس سؤال:
موقف سويتنه معك واعجبك ؟
سادس سؤال:
لو واحد اهانك اهانة قدام الناس بتسامحي ولا لاء وبالحظة الاهانك فيها شو ردت فعلك
سابع سؤال:
معاكي باقة وردة كل وردة الها لون الوانها ابيض واحمر واصفر وبنفسجس و برتقالي وبدك تهديهم لاشخاص في هل المنتدى
لمين بتعطي كل وردة
ثامن سؤال:
القي كلمة تعبري فيها عن حبك للمنتدى والاعضاء والمشرفين الي فيه

ان شاء الله ما ادايقك باسالتي
وجاوبي عليهم كلهم لحسن اجيلك هههههههه بمزح
تحياتي