أمثال المأكولات الشعبية الفلسطينية

بسم الله الرحمن الرحيم
كيفكم ؟؟
إن شاء الله بخير
هادي بعض الأمثال الشعبية الفلسطينية تتعلق بالمأكولات
تفضلو.....

* العز للرز والبرغل شنق حاله
*خزين الصيف بينفع في الشتا
* خبز وزيتون أحسن ما يكون خبز وماء أكل العلماء
* كول زيت وانطح الحيط لأنو عمارة البيت خبز وزيت
* الله يلعن الدرة اللي ماالهاش عرق
* الزيت مسامير العصب
* كول فول والحق القفول كول العدس تفوت الفرس
* إن كان الخبز في البيت فرحت إنا وغنيت الفشر والنشر والعشا خبيزة
* رز ولبن عافية ع البدن الدهن في العتاقي
* لا توري جوزك طبيخ الخضر ولا لحم البقر
*ادلقي يا ملوخية في الزبادي العوج
* في آب كول العنب ولا تهاب لحم الهرش ما بيسوى قرش
* فتح عينك تاكل ملبن زي الملبن
* كول أول العنب وآخر التين
*ضرب الحبيب زي أكل الزبيب
* الرمان بيملى القلب إيمان
*شتي ع البرتقال وصيف ع العنب
* الضيف المشوم بعد الأكل بيقوم
*طول ما الكيس مليان تكتر الخلان
* اللي بيستكتر غموسه بياكل حاف
* يوم عسل ويوم بصل
* الرايب للحبايب، والزبدة للنسايب، والميص للمتاعيس
* المغرفة عايرت الدست
*قال كلنا ولاد طبيخ
* أيام عنبك وتينك تكتر محبينك، وأيام قشله ونشله ما حدا يعينك
تحياتي للجميع ....

مشكورة بنت القمر

تراثنا الفلسطيني روعة

وكلي بصل وانسي اللى حصل

وكلي توم وانسي اللى حصل اليوم

ههههههه

تحياتي

زائر

مشكورة كتير بنت القمر ويسلمو أيديك
على الموضوع الرائع
تحياتي

زائر

مشكوووورة بنت القمر
موضوع حلوووووو كتير
مشكوووورة

القلب الطيب
عاشقة الجنة
همس الطفولة
مروركم نور الصفحة وعطرها
أرق تحياتي....