قصة الشعشبون والسباح الخليلي

زائر

صحيح انها طويلة بس اقراها للاخر ))
هادا يا جماعة الخي

بقلكم في واحد خليلي نفسة ومنى عينة انوا يشوف البحر
المهم
اجا صاحبوا ونزل فيه على غزة
من هون لهون علمة السباحة نزل يسبح في هالمي
شافه واحد واقف على الشط
قلوا شو رايك تسبابئني قلوا ماشي
شو بدنا في الطويلة والقصيرة
سابقوا قام الخليلي سبق مع انوا من ساعة متعلم السباحة
صاروا الي على الشط ييجوا يحاولوا يسبقوا الخليلي
ما حد عارف
صار الخليلي يطلع في هالصيف على البرك المجاورة للخليل
صار يسابق الي في البرك ويسبقهم
المهم توسعت الدائرة وصار يلعب في الفريق الخليلي للسباحة
سابق كل الي بلعبوا في فرق مدن فلسطين
شافة المدرب تبع المنتخب الوطني حطوا في الفريق
صار يلعب في بطولات كبيرة
طلع مرة على بطولة الشرق الاوسط سبق كل الي في الشرق الاوسط
طلع على بطولة الدول العربية سبق كل الي في الدول العربية
المهم شو بدنا في الطويلة والقصيرة
طلع الخليلي صار يلعب في الدوريات الافريقية
طلع على الدوري الشرق افريقي فاز بالذهبي
طلع على الدوري الغرب افريقي فاز بالذهبي
طلع على الدوري الوسط افريقي فاز بالذهبي
المهم
طلع مش عارف على ايش برضوا جاب لاول
المهم هزم كل لعيبة افريقية الكبار والصغار
قال في حالوا هات نطلع على بطولات اسيا
راح على الصين وراح على الهند وراح على مش عارف وين
المهم فاز وطلع الاول على كل الدول الاسيوية
طلع على بطولة افريقية واسيا معا فاز
طبعا الفوز بكون بكل انواع السباحة ظهر وبطن وفراشة
والي زي الكلاب هاي وبعرفش ايش
المهم
شو بدنا في الطويلة والقصيرة
طلع على اوروبا
لف كل الدول الاوروبية ما حد عارف يهزموا وانشهر في كل العالم
وصار اسموا البطل الخليلي العربي المشهور
سمعت امريكة فيه بعتت نخبة لعيبتها
هزمهم
المهم لف كل العالم هزم كل الناس الي بيسبحوا في العالم
اطور هاد الخليلي
وصار يلعب على مستوى البحار
لف كل البحار قطعهم وجاب الاول اطور **ادة وصار يلعب على مستوى الانهار
لف على الانهار وبردوا هزم كل الي بلعبوا وجاب الاول
فكر شوي
قال والله الا اطلع اقطع المحيطات
طلع على المحيطات قطع كل المحيطات
وهزم كل الاعبين في كل الكرة الارضية
بانواع السباحه كلها
وصار الاول على العالم كلوا
في كل اشي يتعلق في السباحة
المهم
شو بدنا في الطويلة والقصيرة
اجا واحد حقير مقهور من الخليلي كان بطل من الابطال الي هزمهم
قال للخليلي انوا هو ليسا ما وصل لاعلى مرحلة
قلوا انوا في بحر لو قطعوا بصير الاول على كل الكون بكل مجراته
قلوا الخليلي انا هون
قلوا بس في اشي صغير خايفغ احكيلك اياه
اتبطل وتخاف
قلوا الخليل له انا البطل العربي الخليلي المشهور المعروف رافع راس الامة العربية والاسلامية
بدك اياني اخاف
قلوا الزلمة في غاد اشي اسموا الشعشبون (( هاد الصغير كلنا بنعرفوا ))اوعى اتقرب علية والمشكلة انوا ساكن في البحر غاد
قلوا انا الي بدي اهزم الشعشبون هاد
قلوا الزلمة اللهم اني قد بلغت اللهم فاشهد
حمل الخليلي حالوا ما بعرف كيف
وراح على البحر هاد
ونزل سبح سبح سبح طلعتلوا سمكة صغيرة
هاي ام الشيكل او الشيكلين الكل عارفها لونها زهر هيك اشي
المهم قالتلوا
انتا البطل العربي الخليلي المشهور المعروف رافع راس الامة العربية والاسلامية
ارجوك تهرب من هون بلاش الشعشبون ياكلك
قلها اي شعشبون هاد هاد اوعي من هون ضربها في ايدي وكمل
سبح سبح سبح
طلعتلوا السمكة القناص هاي الي عنيها طالعين لبرة لونها اسود يمكن سعرها 15 شيكل
قالتلوا
انتا البطل العربي الخليلي المشهور المعروف رافع راس الامة العربية والاسلامية
ارجوك اهرب قبل ما ياكلك الشعشبون
قلها اوعي ضربها في ايدوا وكمل
سبح سبح سبح
طلعتلوا سمكة السردين قالتلوا
انتا البطل العربي الخليلي المشهور المعروف رافع راس الامة العربية والاسلامية
ارجوك روح من هون بلاش الشعشبون ياكلك
قلها انا بدك اياني اخاف من الشعشبون
اوعي وكمل سباحة بعد شوي
طلعتلوا سلحفاة البحر
قالتلوا انتا البطل العربي الخليلي المشهور المعروف رافع راس الامة العربية والاسلامية
ارجوك ترجع من هون بلاش الشعشبون ياكلك
قلها انا البطل العربي الخليلي المشهور المعروف رافع راس الامة العربية والاسلامية
بدك اياني اخاف من شعشبون
وسعي وكمل سباحة
سبح سبح سبح
طلعوا الاخطبوط
قالوا ارجع من خون احسم ما ياكلك يا ابن الحلال
قلوا انا البطل العربي الخليلي المشهور المعروف رافع راس الامة العربية والاسلامية
بدك اياني اخاف من شقفة شعشبون
وكمل
سبح سبح سبح
طلعتلوا سمكة القرش
حكتلوا يا بني ادم روح بلاش ياكلك
حكالها انا البطل العربي الخليلي المشهور المعروف رافع راس الامة العربية والاسلامية
وانتي انا مش خايف منك بدك اياني اخاف من شعشبون
ابعدها وكمل سبحابة
وشو بدنا في الطويلة والقصيرة
طلعلوا الحوت اكبر كائن حي على الارض كلها
حكالوا انتا البطل العربي الخليلي المشهور المعروف رافع راس الامة العربية والاسلامية
ارجوك تروح من هون صرت على باب منطقة الشعشبون بلاش ياكلك يا زلمة
اقلوا ابدا انتا وسمكة القرش مش مخوفيني وبس اشوف الشعشبون رح افعصوا باجري
ابعد الحوت وكمل سباحة
سبح سبح سبح سبح
صار في نص منطقة الشعشبون
||

||

||

||

||
/\

قام الشعشبون اكلوا

ههههههههههههههههههه

فعلا شعشبون اسم على مسمى

تحياتي

:ض1: :ض1: :ض1: :ض1: :ض1:
والله قصة حلوة
بعد كل هالتعب أكلوا الشعشبون
شعشبون بجد

تحياتي لك flower

ههههههههه :ض1: :ض1:
نشفت ريقنا واحنا بنقرا في القصة وفي الآخر أكلو الشعشبون
والله إنك صاحب حس فكاهي كبيييييييييير
مشكور على القصة (المقلب)
تحياتي.. cheers

لا لا لا شو هادة بجد انقهرت مش على السباح
على عنية اللى وجعونى وانا بأقراه فى القصة
ماشى شعشبون شو يعنى بتخوفنا منك احنا ما
بنخاف من الشعشبونات ولا بيهمنا اشى ومن غير
ما نكون سباحين كمان مردودالك ان شاء الله
تحياتى على الموضوع

شو هادا آخ يا عنيا ..

أكلو الشعشبون ؟؟ طيب صحة و عافية Twisted Evil

الله يسامحك يا شعشبون على هالمقلب الحو

تحياتي .. lol!